ПАЛАЖЭННЕ аб правядзенні 32-га міні-футбольнага фестываля сярод аматарскіх камандаў

I. ЧАС І МЕСЦА ПРАВЯДЗЕННЯ ТУРНІРУ
ХХXII міні-футбольны фестываль сярод аматарскіх калектываў праводзіцца ў аднадзённы тэрмін 26-га траўня 2024 года. Спаборніцтвы праходзяць на пляцоўках стадыена «Будаўнік», пачынаючы з 10.00.

II. КІРАЎНІЦТВА ПРАВЯДЗЕННЕМ ТУРНІРУ
Агульнае кіраўніцтва міні-футбольным фестывалем ажыццяўляецца ГА “Самадзеяльны клуб па міні-футболе «АМАТАР”. Непасрэдны кантроль за правядзеннем спаборніцтваў ускладаецца на прэзідэнта клуба Уладзімера Люкевіча, выканаўчага дырэктара турніра Эдуарда Белемука, адміністратара Дзмітрыя Шыферштэйна, кіраўніка арбітражнага корпуса Андрэя Шэпа.

IІІ. УДЗЕЛЬНIКI ТУРНIРУ
Да ўдзелу ў фестывалi дапускаюцца толькi тыя каманды, якiя да пачатку турнiра аплацiлi заявачны ўзнос. Адсутнасць аплаты аўтаматычна выключае клуб з лiку ўдзельнiкаў турніра.

IV. УМОВЫ ПРАВЯДЗЕННЯ ТУРНІРУ
Мiнi-футбольны фестываль з колькасцю камандаў - 32 - праводзiцца ў некалькi этапаў. На першым этапе каманды пры дапамозе сляпога лесавання фармуюць 8 груп па 4 каманды ў кожнай. Па сiстэме, калi кожная каманда ў групе сустракаецца са сваiмі сапернiкамі па аднаму разу, удзельнiкi спаборнiцтваў вызначаюць двух пераможцаў у сваіх групах. Працягласць гульняў этапу - 10 хвiлiнаў без змены брам. У наступны этап выходзяць па дзве лепшыя каманды з кожнай групы . Пры роўнасці турнірных паказальнікаў калі дзве, альбо больш камандаў набіраюць роўную колькасць пунктаў, месцы вызначаюцца па наступных крытэрыях 1) перамога ў сустрэчы(ах) паміж гэтымі камандамі; 2) лепшая розніца мячоў у спрэчцы паміж гэтымі камандамі, 3) большая колькасць забітых мячоў у спрэчцы паміж камандамі, 4) агульная розніца мячоў, 5) большая колькасць забітых мячоў. Калі ўсе гэтыя паказальнікі роўныя - пры выяўленні месцаў у групах, прабіваюцца па тры пенальці. 
На другім этапе, каманды, якія выйшлі ў этап плэй-офф, гуляюць у 1/8, 1/4, 1/2 i фiнальных гульнях. Працягласць гульняў этапу ў 1/8, 1/4, 1/2 - 10 хвiлiнаў без змены брам. Калі асноўны час не выявіць пераможцу, прыгначаюцца пенальці - па 3 спробы ў 1/8 і 1/4, і па 5 падыходаў у 1/2 фінала і фінальных паядынках. Працягласць аднаго матча ў галоўным фінале і матчы за 3 месца - 15 хвiлiнаў. У фінальным матчы, у выпадку нічыйнага выніка ў асноўны час, прызначаецца дадатковы час працягласцю 5 хвілін. Калі ён не выявіць пераможцу, прызначаюцца пенальці (серыя складае 5 пенальці для кожнай каманды).
Суцяшальны турнір у 32-м фестывале не прадугледжаны.

V. ДЫСЦЫПЛІНАРНАЯ АДКАЗНАСЦЬ І ПАКАРАННІ

За парушэннi правiлаў пад час гульнi футбалiст можа быць папярэджаны (жоўтая картка) цi выдалены з поля (чырвоная картка). Чырвоная картка ў адносінах да іграка дзейнічае з 2-хвілінным выдаленнем з далейшай заменай у гульні. За асабліва цяжкае парушэнне аргкамітэт можа вынесці больш жорсткае пакаранне. За ўдзел у гульнi незаяўленага (умова датычыцца выключна каманды-удзельніцы чэмпіяната города) цi дысквалiфiкаванага футбалiста камандзе залiчваецца тэхнiчнае паражэнне.

VI. АРБІТРАЖ ТУРНІРА
Прэрагатыва прызначэння арбiтраў на матчы належыць выканаўчаму дырэктару фестываля Эдуарду Белемуку. Калi адна з камандаў вiдавочна цягне час гульнi, суддзя можа дадаць час, але не больш за хвiлiну. ЗАЎВАГА: Пратэсты наконт судзейства не прымаюцца.

VII. УЗНАГАРОДЖВАННЕ
Прызавы фонд турнiра складае каля 55% ад агульнай сумы ўзносаў.
44% - ад гэтай сумы атрымлiвае пераможца фiнальнага матча play-off.
28% - каманда якая зойме 2-е месца ў турніры play-off.
19% - каманда якая зойме 3-е месца ў турніры play-off.
9% - каманда якая зойме 4-е месца ў турніры play-off.

VIII. ЗАЯЎКІ
Камандам, якiя бралі ўдзел у чэмпіянаце ў Лідэр-лізе, Першай, Другой, Трэцяй лігах, можна дазяўляць да 3 (трох) новых ігракоў, ці ігракоў з іншых камандаў. Каманды, што мяняюць назву, могуць гуляць на правах дэбютантаў.

Дадатак. Аргкамітэт пакідае за сабой права на змяненне формулы спаборніцтваў у тым выпадку, калі колькасць камандаў будзе менш, альбо больш за запланаваную.